Concello de Lugo

Proxecto Compartir Parking

A bolsa de persoas para compartir aparcamento nace co obxectivo de conseguir unha mobilidade sostíbel e segura no noso concello

Aparcar nas cidades pasou a ser un problema grave que xera, á parte do estrés de non atopar onde deixar o coche, graves problemas de atascos na vía pública.

Obxectivos

Queremos posibilitar que as persoas que teñen unha praza de aparcamento e que durante o día (a noite, ou parte do día ou da noite) a deixan libre para ir ao traballo ou para estudar fóra dos municipios a poidan intercambiar (alugar ou vender) con alguén que veña traballar ou estudar na nosa cidade.

Funcionamento

É moi doado, unha vez dentro do servizo, poderás ver as ofertas/demandas que outros usuarios/as inseriron e escoller as que máis se axusten ás túas necesidades (intercambio, aluguer ou mesmo compra).
Todo completamente on-line e coa máxima rapidez, eficacia e privacidade.

Buscas aparcamento?

Se precisas unha praza de aparcamento pola zona onde traballas ou estudas e, xa que logo, só a pensas utilizar durante unhas horas do día, podes acceder a buscar praza e inserir a túa busca ou intercambio.

Ofreces aparcamento?

Se dispós dunha praza de aparcamento e durante o día ou a noite a deixas libre para ir ao traballo ou estudar e interésache intercambiala, alugala ou mesmo vendela, preme en crear praza e insire a túa oferta.

Queres modificar os teus datos ou anuncios?

Se xa es usuario/a do servizo e queres modificar os teus datos ou os teus anuncios, preme en entrar

Benvido/a e grazas por utilizar este servizo que agardamos te sexa útil.